Siglir tar il cuntegn

Header

cuntegn

Grischun Central Impressaris optimistics en Val Schons

Malgrà ch’ils impressaris en Val Schons sentan las consequenzas da l’iniziativa cunter abitaziuns secundaras, guardan els optimistic en l’avegnir.

L’iniziativa cunter abitaziuns secundaras ha era en Val Schons ina gronda influenza sin projects da construcziun auta. Sco differents impressaris remartgan, è la dumonda per bajegiar chasas d’ina ubain da pliras famiglias sa reducida fermamain.

Tuttina restan ils impressaris optimistics. Els observan che las lavurs per renovaziuns vegnan a pli curta vista ed emprovan d’augmentar lur purschidas en auters secturs sco per exempel cun surprender lavurs en il sectur da construcziun bassa.

Ins vesa ina fotografia da Theophil Petrig da Luzi construcziun SA da Ziràn.
Legenda: Theophil Petrig, Luzi construcziun SA, Ziràn. ANR

Concurrenza ord autras valladas

Era Theophil Petrig da l'interpresa «Luzi construcziun SA» a Ziràn vesa ch’i dat be pacas dumondas en la construcziun auta. En general remartga el ch’il volumen da bajegiar saja restà sco ils davos onns.

Midà haja dentant la situaziun da concurrenza. Era impressaris d’autras valladas s’interessian ussa per ils projects da construcziun auta en Val Schons. Quai che haja per consequenza ch’ils pretschs vegnian sut squitsch.

Artitgels legids il pli savens