La radunanza communala d'Albula/Alvra ha venderdi saira approvà in credit da radund 120’000 francs per fundar ina «Rait d’electricitad Albula SA» quai unanimamain.
Era ha la vischnanca decis da dar in credit da 216’000 francs per ina nova lingia d’electricitad alternativa tranter l’ovra electrica da Casti e la serenera da Rieven. Quai pervi che fin uss deva quai in disturbi en l’entira rait d’electricitad sche lavurs da mantegniment vegnivan fatgas ni sche quai deva in disturbi. Cun la lingia alternativa duai quai vegnir impedi el futur.
Vinavant vul la vischnanca sanar la «Voia Viglia digl Bogn» quai per 668’000 francs. Per quest intent ha la vischnanca concedi cun gronda maioritad in credit correspundent.
Quint annual 2015
La vischnanca d’Albula/Alvra serra cun in retgav da radund 5,5 milliuns francs, quai tar entradas da bun 21 milliuns francs ed expensas da radund 15,5 milliuns francs.
RR novitads 06:00