Siglir tar il cuntegn

Header

cuntegn

Grischun Central Mat da 15 onns mora en territori da skis

A Lai en il territori da skis Rothorn/Heimberg è in mat sa disgrazià il glindesdi suentermezdi. El è mort pervia da sias grevas blessuras.

Suenter esser ì sur in mut ora è il giuven da 15 onns crudà e glischnà sur l'ur da la pista ora. El è sa blessà grevamain. Malgrà agid medicinal immediat e malgrà in transport pront dal territori da skis Rothorn/Heimberg en l'Ospital chantunal dal Grischun è il mat mort curt suenter esser arrivà en l'ospital.

La procura publica e la Polizia chantunala examineschian uss l'andament da l'accident, uschia la Polizia chantunala en ina communicaziun als meds da massa.

Artitgels legids il pli savens