Pendicularas Savognin: Bun onn da gestiun

La svieuta da las Pendicularas da Savognin SA a muntà a passa 8,6 milliuns francs il davos onn da gestiun, in augment da passa 7% cumpareglià cun l'onn avant.

La stad han las pendicularas gì levet dapli giasts il davos onn da gestiun. Bild in Lightbox öffnen.

Legenda da maletgs: La stad han las pendicularas gì levet dapli giasts il davos onn da gestiun. mad

L'onn da gestiun 2016/17 han las Pendicularas da Savognin SA fatg 586’000 francs dapli svieuta che l’onn da gestiun avant. Quai è in augment da 7.3%,sco l'Agentura da novitads ANR scriva. Sa reducì è dentant il dumber da skiunz,

Tenor il rapport annual han las Pendicularas da Savognin SA dumbrà l’onn da gestiun 2016/17 in total da 211’011 emprims giasts, quai èn 6.1% pli paucs che l'onn avant. Sa reducì è cunzunt il dumber dals emprims giasts da l’enviern, e quai per 8% sin ina totala da 167’765 persunas. La stad 2016 han las Pendicularas da Savognin SA gì 43’246 emprims giasts, 895 dapli ch’anc la stad 2015.

Il dumber da las persunas ch’han fatg diever da las pendicularas munta a 1’365’462, quai è 10% pli pauc.

RR novitads 06:00