Pli vegl um da Bravuogn è mort

Arpen Huder-Hermann da Bravuogn è mort ils 9 d’avust en la vegliadetgna da 101 onns. L’annunzia da mort è vegnida publitgada venderdi.

Arpen Huder è stà bab, tat e basat. Bild in Lightbox öffnen.

Legenda da maletgs: Arpen Huder è stà bab, tat e basat. RTR, Federico Belotti

Arpen Huder è creschì si a Bravuogn cun sia sora Uta e ses frar Aldo. Suenter la scola chantunala a Cuira, ha el fatg l’emprendissadi sco tecnicist da la construcziun bassa. A Tusaun ha el lavurà tar ina firma che construescha vias.

Durant la Segunda Guerra mundiala ha el fatg servetsch ad Utzensdorf en il chantun da Berna sco observader da l’aviaziun. Cun 35 onns è el daventà posttenent, sco successur da ses bab ch’era ì en pensiun.

Arpen Huder è era stà president communal da Bravuogn, quai durant ils onns 1957 – 1963. Arpen Huder aveva survegnì il vischinadi da Bravuogn, dasperas quel da Fuldera. Fin avant circa diesch onns fascheva el anc regularmain il maraton da l’Engiadina.