Il festival da teater vegn organisà da l’Uniun grischuna per il teater popular. Dapi l’onn 1989 datti regularmain in festival da teater. Quel è per solit a Tusaun, sulet il 2001 è il festival stà a Cuira, il 2004 a Haldenstein.
La finamira dal festival è il barat cultural da differentas parts linguisticas e da pussibilitar inscunters tranter las differentas gruppas da teater. L'ultim festival da teater è vegnì visità da radund 2000 persunas.