Siglir tar il cuntegn

Header

cuntegn

Grischun Central Rebecca Clopath la cuschiniera selvadia

Rebecca Clopath da Lon vala sco portasperanza da la persistenza. Questa primavaira ha ella survagnì il premi «prix eco» - in premi che vegn surdà mo mintga trais onns. La giuvna da la Val Schons va consequentamain sia via e cumenza l'avust l'emprendissadi da pura.

audio
Mezdi: Rebecca Clopath - purtret da la cuschiniera selvadia
ord Actualitad dals 29.06.2016.
laschar ir. Durada: 3 minutas 10 Secundas.

Rebecca Clopath è ina filosofa en cuschina. A Lon, nua ch'ella è creschida si ha ella chattà respostas per sia moda e maniera da cuschinar. «Autenticitad en mia cuschina è quai ch'jau less dar enavant a mes giasts», di la giuvna da 28 onns ch'ha fatg l'emprendissadi tar Stefan Wiesner, il cuschinier experimental, il striun en cuschina.

Per esser in cun la natira va Rebecca Clopath consequentamain sia via. Per savair danunder che ses products vegnan fa ella ussa l'emprendissadi da pura. «Per mai è quella via la sulet dretga via», di Clopath.

RR actualitad mezdi

Artitgels legids il pli savens