Grischun Central - Rundas enstagl d'ina cursa dad A fin Z
La cursa populara dal Planoiras è er quest'onn ina cursa da rundas en l'arena da biathlon da Lantsch, enstagl d'ina cursa da Lantsch fin Planeiras. Per ils organisaturs è la cursa pli simpla d'organisar uschia, tuttina avessan els gugent purschì la cursa classica.
La mancanza da naiv ha fatg in stritg tras ils quints dals organsiaturs da la cursa da passlung dal Planoiras. Uschia vegn la cursa organisada en l'arena da biatlon da Lantsch.
Quai facilitescha l'organisaziun ed è er per ils aspectaturs pli interessant. Tuttina avess il president dal comité d'organisaziun Urs Baselgia gugent puspe ina cursa sin il traject classic da Lantsch enfin Lai.
audio
Saira: La cursa populara da Planoiras patescha da memia pauc naiv
02:33 min, ord Actualitad dals 11.01.2017.
laschar ir. Durada: 2 minutas 33 Secundas.
Il Planoiras saja ina cursa organisada da la regiun, ed uschia vulessan els gugent mussar sche pussaivel l'entira regiun.