Omadus projects èn vegnids approvads cun gronda maioritad dals 75 preschents e senza cuntravuschs, scrivan ils responsabels da la vischnanca da Savognin.
Hotel da 3 stailas
Ensemen cun partenaris prevesan impressaris indigens da bajegiar a Grava in hotel en il segment da 3 stailas cun radund 84 chombras dublas. Per quest project era quai necessari da far midadas parzialas da la planisaziun locala.
Campus d’energia Savognin
In’ulteriura revisiun da la planisaziun locala pertutga la construcziun d’in uschenumnà «campus d’energia Savognin» tras l’interpresa Uffer SA. Il campus duai dar albiert ed esser in lieu da sentupada per glieud che absolva ina scolaziun sur la scol’auta professiunala IBW, sur las ovras electricas da la citad da Turitg e sur auters partenaris da la Uffer SA. Il campus è uschia in’amplificaziun dal «center da cumpetenza bajegiar ed energia».
RR novitads 06:00