Siglir tar il cuntegn

Header

cuntegn

Grischun Central Sin ils fastizs dals amis

Cun «Mes amis» duai uss er esser pussaivel da rimnar regurdientschas ad amias ed amis en rumantsch, scriva l’Uniun Rumantscha Grischun Central URGC en ina communicaziun. L'URGC ha edì ses emprim album d’amis en dus variantas, ina giada cun motiv dad Indians ed ina cun motiv dad animals.

Tgenina è la spaisa preferida? U tgi tutga tar la famiglia? Quai èn exempels da dumondas usitadas en in album d’amis. Ils cudeschs van da camarat a camarat per laschar s’inscriver – ina spezia da varianta moderna dals albums da poesia dad ina giada. Ils cudeschs èn fitg derasads tar ils uffants a partir da la scolina.

«Mes amis» empè da «Meine Freunde» è in regal

«Mes amis» vegn regalà a las scolarettas ed als scolarets da las scolinas da Savognin, da Lantsch, da Ziràn sco era a las scolaras ed als scolars da l’emprima classa bilingua a Domat.

Nua cumprar «Mes amis»?

Avrir la box Serrar la box

Dapli infurmaziuns datti directamain tar la presidenta da l’Uniun Rumantscha Grischun Central – tar Zegna Pittet-Dosch: zegna.pittet@bluewin.ch

Cudeschs per la diaspora

L’Uniun Rumantscha Grischun Central sa legrass er, sche tattas u tats, madritschas u padrins, ondas u barbas avessan gugent «Mes amis» per regalar ad uffants giu la Bassa, scriva l'Uniun en sia communicaziun.

RR Magazin da cultura

Artitgels legids il pli savens