Cun entradas da 834'481 francs ed ed expensas da 827'849 francs hai dà in gudogn da 6'732 francs. Il suveran da Tschappina ha approvà il quint 2016. L'onn 2016 era il pe da taglia per l'emprima giada 100% e quest fatg ha procurà per damain entradas da taglia.
Ulteriuras decisiuns ed infurmaziuns
- A l'ovra electrica è da pliras parzellas da la vischnanca da Tschappina vegnì dà il dretg da passar cun conducts.
- Vinavant bajegia Tschappina ina susta per l'auto da posta a Tschappina Sura. Ils proxims trais envierns va l'auto da posta numnadamain sco emprova da Tschappina Sura sin il pass dal Glas. Per questa susta è vegnì concedì in credit da 35'000 francs.
- Las lavurs d'access per la surbajegiada «Mülibüel» èn ils proxims dis finids. Cun la construcziun per l'emprima chasa vegn cumenzâ anc questa stad.
- La cumpagnia da la protecziun civila Rain Posteriur ha gidà reparar la via che maina sin l'alp Parpeina.
RR novitads 10:00