Siglir tar il cuntegn

Header

cuntegn

Grischun Central Uss datti aria netta en il tunnel Crapteig

En il curs da lavurs da modernisaziun e sanaziun ha il tunnel Crapteig sin l'autostrada A13 sper Tusaun survegnì ina nova ventilaziun. Quai communitgescha l'Uffizi federal da vias ASTRA.

La nova ventilaziun è vegnida renovada u per part er installada da nov durant ils ultims trais onns. Tut las lavurs ed ils tests èn vegnids terminads per la fin da zercladur. Uss correspundia la ventilaziun a las pretensiuns actualas, scriva l’ASTRA.

Uss segua ina galaria da segirtad e vias da fugia

Ils proxims onns survegn il tunnel da Crapteig ina galaria da segirtad e vias da fugia. La galaria da segirtad vegn construida davent da l'atun sin ina lunghezza da 2’036 meters parallel al tunnel. La galaria da segirtad è concepida uschia che las vias per sa salvar sa reduceschan sin 250 meters.

50 milliuns per la segirezza dal tunnel Crapteig

Ils custs totals per augmentar la segirezza en il tunnel Crapteig muntian ad in total da 50 milliuns francs, concluda l’ASTRA sia communicaziun a las medias.

RR novitads 17:00

Artitgels legids il pli savens