Questa soluziun duess meglierar la situaziun da planisar ils locomotivists, e procurar ch’i na dettia betg anc dapli sururas tar il persunal. Sco che la Viafier retica ha ditg sin dumonda dad RTR, saja quai ina mesira temporara. Il Sindicat dal persunal dals transports SEV piglia notizia da questa soluziun, intgantà n’è el però betg.
Nus avain mo in zic chapientscha, perquai che la situaziun è gia relativamain difficila, bleras collavuraturas e blers collavuraturs han gia fitg bleras sururas.
E la Viafier retica stoppia gia stgaffir là la basa ch'avunda glieud saja avant maun e che quels chattian in pensum da lavur normal, manegia il locomotivist e sindicalist Meyer. La mesira cun la premia da 600 francs possia mo esser ina soluziun temporara.
La Viafier Retica da sia vart spera e fa tut il pussaivel per avair bainbaud puspè avunda locomotivistas e locomotivists.
Nus essan vidlonder: nus scolain fitg ferm, fitg bler e savens – e suenter vegn la situaziun a sa schluccar, nus partin dal fatg ch'il 2025 è puspè normalisà.
Gia avant quatter onns è la Viafier retica stada en las stretgas:
