Algoritmus trenads – pia programs d'intelligenza artifiziala – pon valitar quasi tuttina bain privels da lavinas sco umans. Quai mussan tests che l'Institut da naiv e lavinas a Tavau ha fatg ils onns passads. Las prognosas fatgas d'intelligenza artifiziala sajan savens bunas, quai scriva l'institut.
Mintgatant n'èn las prognosas da l'algoritmus betg bunas, ma er quellas da nus n'èn betg adina correctas. Il bun è ch'il computer fa auters sbagls che nus.
Il model d'intelligenza artifiziala e las prognosas fatgas dals experts cumpletteschian in l'auter. Auter ch'il computer resguardian ils experts er observaziuns actualas. Lezzas datas n'ha il computer betg. Il computer sa gidia dentant cun analisar e valitar autonomamain simulaziuns da la cuverta da naiv. El serva pia da dar al team in'ulteriura opiniun independenta per la valitaziun. Suenter ina fasa d'emprova da trais onns, sustegn l'algoritmus quest onn pia il team da valitar il privel da lavinas en differentas regiuns.
Ord l'achiv:
