Siglir tar il cuntegn

Header

audio
Mezdi: Nettegiada da primavaira - preparaziun sco motivaziun
Or da Actualitad dals 05.04.2016.
laschar ir. Durada: 1 minuta 41 Secundas.
cuntegn

Grischun Nettegiada da primavaira: preparaziun sco motivaziun

Temp ed ura per la nettegiada da primavaira. Dapertut nua ch'ins guarda pli precis sa chatta la merda. Ubain sa zuppa la merda sin las cumodas, en ils chantuns, davos las stgaffas u sut il letg. Ma nua duess ins insumma cumenzar a nettegiar?

I vaglia la paina da sa preparar bain per esser uschè effizient sco pussaivel. Qua ils tips:

1. Far urden avant cumenzar a nettegiar

Sch'ins fa urden avant da cumenzar a nettegiar ston ins pulir pli pauca rauba. In ulteriur avantatg è ch’ins ha puspè ina giada fatg urden cun tut la rauba.

2. Glista da pendenza

Avant da cumenzar a pulir rendi dad ir tras mintga stanza e scriver si tge ch’ins sto far nua. Uschia ves'ins direct era tge meds da pulir ch'ins dovra ed ins po sa preparar meglier. Cun quai pon ins era quintar ora +/- quant temp ch’ins dovra per nettegiar tut.

3. Di per di in'autra stanza

Il meglier è da reparter la lavur sin plirs dis. Uschia pon ins sa concentrar di per di sin in'autra stanza. E sch'ins taidla sin ils experts duess ins cumenzar a nettegiar cun la stanza la pli malnetta. Per regla è quai il bogn ni la cuschina.

4. Cumenzar sisum e finir giusut

Nettegiar duess ins cun sistem. Vul dir cumenzar il pli entasum e sisum la stanza e finir orasum e giusut. Igl è era enconuschent che persunas cun in maun dretg duessan pulir da dretg a saneser e persunas da maun sanester cuntrari. Uschia na po betg vegnir malnet quai ch’ins ha gia nettegià. Ils funs duess ins nettegiar sco ultim.

5. La motivaziun na dastga betg mancar

Co sa motivar, taidla qua

Artitgels legids il pli savens