Siglir tar il cuntegn

Header

video
Voluntaris sa gidan tar la tgira dal guaud a Curaglia
Or da Actualitad dals 09.07.2015.
laschar ir. Durada: 4 minutas 48 Secundas.
cuntegn

Surselva 25 onns agid per il guaud sur Curaglia

L’agid dal Project guaud da muntogna en il guaud da protecziun sur Curaglia ha gidà al prosperar da quest guaud.

audio
Bunura: 25 onns project guaud da muntogna
ord Actualitad dals 10.07.2015.
laschar ir. Durada: 3 minutas 7 Secundas.

L’orcan Vivian ha devastà l’onn 1990 il guaud da protecziun sur il vitg da Curaglia (Val Medel). Perquai ha il Project guaud da muntogna (Bergwaldprojekt) dumandà sch’i dastgan sa gidar cun gidanters voluntaris. L’emprima sceptica dal bostger communal, Corsin Flepp è spert stada davent cura ch’el ha vis la buna lavur ch’ils voluntaris prestan.

Mintg'onn duas emnas a Curaglia

Dapi lura vegn il Project guaud da muntogna mintg'onn duas emnas a Crap Stagias per far lavurs vid trutgs, tgirar il guaud ed era sa gidar cun far protecziuns per ils pegns. Renato Ruf ch’è in dals fundaturs dal Project guaud da muntogna è losch da quai ch’ins ha cuntanschì e che quai ha funcziunà uschè bain cun ils gidanters voluntaris.

Il Project guaud da muntogna è ina fundaziun che s'engascha en Svizra, Germania, Austria, Catalugna e l'Ucraina per il mantegniment dals guauds da protecziun. Il Project guaud da muntogna è vegnì lantschà 1987 ed è dapi 1990 ina fundaziun.

Artitgels legids il pli savens