Glatschs hai adina pli e pli blers en Surselva. Il pli nov glatsch è quel da Falera, ch’i dat davent da quest enviern.
Auters glatschs datti gia dapi decennis. Uschia existan 12 patineras en Surselva, numnadamain a Sedrun, Mustér, Trun, Breil, Misanenga, Surcuolm, Vella, Sevgein, Versomi, Stussavgia, Falera e Laax. Forsa in dals pli pigns glatschs datti a Sevgein cun 15 x 20 meters, in glatsch natiral che vegn fatgs sin iniziativa da persunas privatas.
Ils scursalets èn stads vendids ora tar plirs furniturs, ins na pudeva betg pli empustar tscherts models.
Che la purschida da tons glatschs ha era ina influenza sin la vendita da scursalets ha inqualin sentì en la stizun da sport. Sin dumonda da RTR ha Matthias Menzli, il manader da las stizuns da Menzli sport, detg che: “Ils scursalets èn stai vendì ora tar plirs furniturs, ins na pudeva betg pli empustar tscherts models”.
Matthias Menzli ha plinavant manegià che quai haja era da far cun l’ulteriura Svizra, dapertut pauca naiv mo fradaglia, uschia ch’ils glatschs èn stads trumf.
RR actualitad 08:00