Andermatt survegn ina sculptura da crap da passa 7 meters

Andermatt ha in nov monument: Ina sculptura da l’artist svizzer Ugo Rondinone. Ella è vegnida installada en la rundella gist suenter la Chavorgia da la Scalina (Schöllenen).

La sculptura da crap Bild in Lightbox öffnen.

Legenda da maletgs: La sculptura da crap Andermatt Swiss Alps

La sculptura ord il ciclus «human nature» è vegnida construida or da cral e sin crap. Ella duai esser il simbol nov per la destinaziun da vacanzas Andermatt. L’investider ed interprendider Samih Sawiris ha ludà la lavur da l’artist Rondinone.

«  La sculptura fa bainvegni a viandants, giasts ed indigens e simboliseschia a moda ideala il connex tranter vegl e nov e tranter dalunsch e damanaivel. »

Samih Sawiris
interprendider

Las forzas elementaras vegnan visiblas

La sculptura demonstrescha cun sia grondezza ed il crap la forza elementara da las muntognas.
Ugo Rondinone è naschì a Brunnen e viva a New York. El creescha installaziuns, dissegns, maletgs e films.

RR novitads 15:00