Siglir tar il cuntegn

Header

video
Sagogn beneventescha la Biennala da teater
Or da Telesguard dals 12.10.2016.
laschar ir. Durada: 3 minutas 22 Secundas.
cuntegn

Surselva Biennala: Blera lavur fin che tut è pront

Gidanters han blera lavur per preparar tut per l’emprima Biennala svizra dal teater d’amaturs a Sagogn.

Organisar la Biennala saja ina sfida, declera la presidenta dal comité d’organisaziun Martina Beeli da l'Uniun da teater Sagogn. Il pli grev saja da quintar ora quants, ravieuls, capuns e maluns ch’i dovria per la saira da festa da la sonda saira. Sco Martina Beeli sappian els numnadamain betg quantas persunas che vegnan a vegnir. Sco teatrists sajan els dentant disads d’improvisar, uschia che quai vegnia franc a funcziunar.

Var 60 gidantras e gidanters dovri avant u durant la Biennala a Sagogn. Tranter auter èsi da bajegiar si ina tribuna en in clavà e preparà auters locals nua ch’ils 9 teaters vegnan preschentads. Sustegn per questas lavurs survegn l’Uniun da teater Sagogn da las uniuns da teater Cuschnaus e Mustér. Ina collavuraziun che duai tenor Martina Beeli esser duraivla. «Quai fiss il pli bel sche nus, sco uniuns, pudessan era forsa ina giada realisar communablamain insatge tut spezial» declera Martina Beeli.

Artitgels legids il pli savens