Siglir tar il cuntegn

Header

cuntegn

Surselva Cadi: Resalvas envers l’iniziativa per ina fusiun creschan

La suprastanza da Sumvitg propona da dir na a questa iniziativa. Uss sto il pievel decider ad ina proxima radunanza communala.

Els sajan encunter l’iniziativa, mo tuttina da l’opiniun ch’ins possia discutar sur da collavuraziun intercommunala, ha il president communal Armin Candinas ditg a l’ANR.

Armin Candinas, il president communal da Sumvitg.
Legenda: Armin Candinas, il president communal da Sumvitg. RTR, Linus Livers

Fin uss han trais suprastanzas prendì posiziun: Tujetsch e Sumvitg dian na, Mustér di gea. Il cussegl da vischnanca da Tujetsch refusescha l'iniziativa. Quest venderdi piglia il cussegl da vischnanca da Mustér posiziun.

Las suprastanzas da Medel e Trun ed era il cussegl da vischnanca da Trun na han anc betg decidì. La vischnanca da Breil na fa anc betg part da questas discussiuns.

RR novitads 18:00

Artitgels legids il pli savens