Siglir tar il cuntegn

Header

cuntegn

Surselva Chametgs, nagin'electricitad e tuttina in festival sensaziunal

Il 32avel Open Air Lumnezia è istorgia, in festival cun trais notgs cun blera musica da hip hop fin punk, cun in grond public ch’è sa divertì e cun l’aura che ha fatg problems.

L’emprim in pau plievgia, lura in ferm vent ch’ha sufflà davent tendas e saivs, lura in temporal cun tuns e chametgs, e dus da quels han mess ord funcziun il provediment electric en ina gronda part da la Lumnezia.

Per l’areal dal festival ha quai muntà: rien ne va plus, nagina forza sin il palc, mangiar insatge chaud; impussibel. Ed en emprima lingia «quietezza».

Bun 18’000 visitaders

Tut en tut tiran ils organisaturs ina bilantscha positiva. En tut èn 19 bands sa preschentadas en la Lumnezia, tranter quellas las gruppas rumantschas Liricas Analas e Giganto e Mattiu. Radund 18’000 persunas han visità quest onn l'Open Air Lumnezia.

Il president da l’Open Air Lumnezia, Norvert Cavegn, davart ils fatgs impurtants da l’ediziun dal festival dal 2016.

Artitgels legids il pli savens