Surselva - Cuorsa dil Rein fa in onn pausa

audio

In onn pausa per la Cuorsa dil Rein

02:04 min, ord RTR Audio dals 01.09.2015.

laschar ir. Durada: 2 minutas 4 Secundas.

I haja dà differentas raschuns per far ina pausa cun l’occurrenza, declera Roger Tuor, il president dal comité d’organisaziun. Dad ina vart saja il comité d’organisaziun in pau stanchel e da l’autra vart manchian l’auter onn pliras persunas da quest comité. Betg sco davos giajan las reservas finanzialas plaunsieu a fin, perquai ch’i dettia mintga onn in deficit. «L’idea da far ina pausa è da ponderar las disciplinas ed ils trajects per uschia dar nov schlantsch» di Roger Tuor. Latiers sajan ils resuns dals curriders d’impurtanza. Uschia vegn ponderà da propi far ina cursa dal Rain cun cumenzar a Sedrun e currer per lung dal Rain fin a Trun ubain era da porscher ina cursa che maina siadora vers la pizza. Ch’ina pausa pudess forsa muntar la fin da la Cuorsa dil Rein, na crai Roger Tuor betg. Il comité d’organisaziun haja decidì da na betg dar si la cursa. Tar ils curriders spera Roger Tuor che quels vegnian era puspè sch’i dettia in onn pausa.