Cup svizzer da chaschas da savun a Sursaissa

Sonda, ils 17 da zercladur ha gì lieu ina cursa dal cup svizzer da chaschas da savun. Era senza la canera da motors in sport che fascinescha.

Il start è ina rampa che dat l'emprim schlontsch a las chaschas da savun. Bild in Lightbox öffnen.

Legenda da maletgs: Il start è ina rampa che dat l'emprim schlontsch a las chaschas da savun. RTR, C. Albin

Daventar pilot d'in auto da cursa è savens in siemi per blers uffants. L’emprim pass da realisar quai siemi è forsa ina chascha da savun. Era sche quellas n’han betg in motor, datti gia bleras parallelas cun autos da cursa «dals gronds».

Al cup svizzer da chaschas da savun dastgan uffants tranter 8 e 16 onns sa participar. Las chaschas èn per la gronda part identics, quai era pervia dal reglament che prescriva fitg detaglià las parts impurtantas da la chascha da savun sco per exempel las rodas, ils frains e l’indriz da cumond.

Il cup svizzer è ina seria da 18 cursas che han lieu en l’entira Svizra tudestga ed il Tessin. Mintga percurs ston ils pilots absolver trais giadas. Ils megliers dus temps vegnan quintads ensemen ed il temp total decida tgi ch'è il victur.

RR actualitad 06:00

Ord l'archiv