Cussegl da la nova vischnanca Breil: ils emprims trais commembers

Ils da Vuorz han elegì la mesemna saira lur trais represchentants en il cussegl communal da la nova vischnanca da Breil. Part dal nov gremi fan Mengia Risch, Sven Seeli e Luzi Pfister. Suppleant daventa Robert Veraguth.

Grafica nova vischnanca da Breil e ses parlament Bild in Lightbox öffnen.

Legenda da maletgs: Dumber da sezs dals vischinadis Breil, Vuorz ed Andiast en il parlament da la nova vischnanca Breil. Grafica RTR

Elecziuns Breil-Vuorz-Andiast

1:04 min, Actualitad dals 13.09.2017

Tenor il contract da fusiun sa cumpona il cussegl communal da la nova vischnanca da Breil da 13 cusseglieras ni cussegliers: otg da Breil, trais da Vuorz e dus d’Andiast. Suenter che Vuorz ha elegì ils 13 da settember, suonda Andiast ils 15 da settember, era en radunanza communala. La veglia vischnanca da Breil elegia lura ils 24 da settember a l’urna.

Sursiglir cuntegn supplementar

Termins nova vischnanca Breil

Vuorz: 13.09. (rad. comm.)
Andiast: 15.09. (rad. comm.)
Breil: 24.09. (urna)

4.10. emprima sesida
dal cussegl
26.11. elecziun da la
suprastanza

A Breil tut cler?

A Breil para tut cler. Per ils otg sez en cussegl communal datti otg candidatas e candidats. Breil ha repartì ils sezs sin las trais fracziuns Breil-Vitg, Danis/Tavanasa e Dardin tenor il dumber d’abitants. Breil-Vitg ha uschia dabun quatter represchentants, Danis/Tavanasa trais e Dardin in. Mintga fracziun ha plinavant d'eleger mintgamai ina persuna sco suppleant.

In candidat manca ad Andiast

Per ils dus represchentants d'Andiast en il nov cussegl communal datti mo in candidat uffizial. Il president actual d'Andiast Sievi Sgier è dentant persvas ch’i dettia anc in u l'auter candidat or dal mez da la radunanza communala.

Cusseglier(a)s elegid(a)s en il nov cussegl communal da Breil

Vuorz 1
Mengia Risch
Vuorz 2
Sven Seeli
Vuorz 3
Luzi Pfister
Vuorz suppl.
Robert Veraguth

RR actualitad 17:00