Siglir tar il cuntegn

Header

video
Purtret da la casa Desax a Trun
Or da Actualitad dals 17.04.2016.
laschar ir. Durada: 3 minutas 52 Secundas.
cuntegn

Surselva Dar vita a la Casa Desax a Trun

En quest bajetg a Trun stevan pli baud famiglias noblas, tranter auter ils de Caprez e pli tard ils Desax. 1782 ha Ludwig Herkules de Caprez gì construì el.

Sepp Fidel Desax (1848-1930) ha cumprà e renovà la chasa, surtut cun laschar installar pignas-scalegl. Ses figl, Augustin Desax (1896-1993), è stà l’ultim abitant de la Casa Desax. El ha abità là cun sia nezza Mathilda Pajarola.

Da Tarcisi Maissen tar Susanne Hollenstein

1995 han ins vendì ella a la Tarcisi Maissen SA da Trun, e 2015 ha Susanne Hollenstein da Malans cumprà la chasa. Sco ella ha ditg ad RTR vul ella far ordlonder 2 fin 3 abitaziuns. En il plaunterren duess i dar biros e per ex. stanzas da far musica ubain terapias. Ella na sa dentant anc betg, co ella vul finanziar las investiziuns.

Dissegns ed ina pigna-scalegl speziala

En egl dattan ils dissegns (surtut fluras e fritgs) en la terza auzada ed en l’emprima ina pigna-scalegl da 1893 che ha – sco Susanne Hollenstein di – la furma d’in altar.

Sche tut va sco previs pon las emprimas abitaziuns esser finidas il mars 2017.

Artitgels legids il pli savens