«Der Berg bebt» – nua che trais generaziuns fan festa

Durant ch’in Open Air Lumnezia attira plitost in giuven public, valan festivals da schlagher plitost sco festas per glieud pli veglia. Quai na correspunda dentant betg dal tut a la realitad: Al «Der Berg bebt» han trais generaziuns festivà cuminaivlamain.

Laschar ir video «Giuven e vegl al festival da schlagher»

Giuven e vegl al festival da schlagher

3:00 min, Battaporta dals 15.7.2017

Blera glieud differenta aveva chattà la fin d'emna la via a l'emprim festival da schlagher «Der Berg bebt» a Flem sin l'Alp Plaun: Fans da la musica da schlagher, turists, indigens e da quels ch’èn simplamain vegnids per giudair la festa.

Cuminanza e festa e lura pir la musica

Per ils giuvenils, ch’eran per gronda part indigens, era la musica da segunda impurtanza. Pli impurtanta eran la festa e la cuminanza. Per quest motiv n'eran els er betg da chattar avant la tribuna, mabain plitost davostiers, tar las bars ed en las tendas da festa. La musica da schlagher n'haja betg disturbà els da gronda mainera – tut plitost suenter il motto: «Cun ina, duas bieras va quai schon!».

RR actualitad 07:10