Siglir tar il cuntegn

Header

cuntegn

Surselva Dus rangers per la Ruinaulta

Ils survegliaders emploiads da l'Uniun Ruinaulta ensemen cun il Parc natiral Beverin e l'Arena tectonica Sardona duain proteger la flora e fauna da la Ruinaulta. I sa tracta d'in project da pilot.

audio
Bunura: Cun in inserat tschertga l’Uniun Ruinaulta dus rangers
ord Actualitad dals 30.11.2016.
laschar ir. Durada: 2 minutas 22 Secundas.

Sche la senda da viandar tras la Ruinaulta vegn realisada per lung dal Rain, teman las organisaziuns per la protecziun d’ambient che la Ruinaulta vegnia inundada da viandants. Per proteger la flora e fauna da quella massa da viandants, han las organisaziuns pretendì che rangers controlleschian la senda ed admoneschian ils viandants che na sa tegnan betg a las reglas.Ch'ils survegliaders chastian surpassaments cun multas na prevesa l'Uniun Ruinaulta betg.

Project da pilot da dus onns

Per ademplir questa pretensiun ha l’Uniun Ruinaulta lantschà in project da pilot cun dus rangers. Il project dura dus onns e vegn organisà ensemen cun il Parc natiral Beverin e l’Arena tectonica Sardona. Ils custs da total 200‘000 francs surpiglian questas trais organisaziuns, tenor il president da l’Uniun Ruinaulta Christian Theus. En emprima lingia vegnan ils rangers dentant a patrugliar en la Ruinaulta. La finamira è da rimnar emprimas experientschas e d'optimar l‘organisaziun dals survegliaders.

Caricatura cun in survegliader ed in urs
Legenda: Urs n'han ils rangers anc betg da temair en la Ruinaulta. Caricatura RTR

Artitgels legids il pli savens