Siglir tar il cuntegn

Header

video
Entschatta da scola
Or da Telesguard dals 21.08.2017.
laschar ir. Durada: 34 Secundas.
cuntegn

Surselva Emprim di da scola - er per ils fragliuns Camenisch da Flond

Per millis uffants en il Grischun cumenza oz puspè la scola. Tranter quests datti a Sursaissa er ina raritad: ils trimellins da Flond Franco, Luisa e Carlo Camenisch cumenzan lur carriera da scola. Noss reporter Orlando Cadonau accumpogna ils trais fragliuns a lur emprim di da scola.

La famiglia Camenisch cun ils geniturs Barbara e Bruno ha tschintg uffants. Sper ils trimellins èn quai anc il frar vegl Fabio che va en la sisavla classa ed il frar giuven Nico che va per l'emprima giada en scolina.

Cumenzà ad uras cun las preparativas

Oz èn per l'emprima giada tut ils tschintg uffants da la famiglia Camenisch a scola u a scolina. A chasa èsi perquai tut quiet curt suenter las diesch. Grond stress n'hai però er avant betg dà, sco la mamma Barbara Camenisch ha ditg. Els hajan cumenzà gia avant duas emnas a guardar tut tge ch'ils uffants dovrian per la scola. Uschia saja quai i bain. Il resti ed ils turnister per ils trimellins hajan els preparà la saira avant, uschia Barbara Camenisch.

Da 19'220 scolars tar 17'869 aifer set onns

video
Adina pli paucs scolars
Or da RTR dals 21.08.2017.
laschar ir. Durada: 1 minuta.

RR actualitad 07:00 +

Artitgels legids il pli savens