En la regiun Flem/Laax vivan dus lufs

En la Surselva vivan dus lufs. L'uffizi da chatscha e pestga dal Grischun ha confermà quai. Ils lufs na tutgan dentant betg tar il triep dal Calanda.

Dus lufs. Bild in Lightbox öffnen.

Legenda da maletgs: Ins ha vis dus lufs en la regiun Laax/Flem (maletg da simbol). Keystone

En la Surselva vivan dus lufs. L'inspectur da l'uffizi chantunal da chatscha e pestga, Georg Brosi, ha confermà quai envers radio «Südostschweiz». Ins ha pliras giadas vis ils dus animals en la regiun da Flem/Laax. L’uffizi chantunal da chatscha e pestga sa dentant anc betg sch'i sa tractia da mastgels u femellas u ina cumbinaziun.

Ils dus lufs na tutgan dentant betg tar il triep dal Calanda, ha Brosi ditg. Ils animals vivan ordaifer da quest territori. Tenor Brosi sa movan ils animals en la Surselva enturn las vischnancas Siat, Ruschein, Laax, Flem e fin a Bargis. Il triep dal Calanda ed ils animals giuvens han lur revier dentant enturn il Calanda. Actualmain dumbra il triep dal Calanda tranter 10 e 12 lufs.

RR novitads 14:00