Siglir tar il cuntegn

Header

cuntegn

Surselva Energia da vent sin il Vorab era senza la BKW

L’ovra electrica da Berna BKW vul sa retrair dal project rodas da vent sin il Vorab.

Per l'Arena Alva na munta quai dentant betg la fin. Reto Gurtner tegn vinavant ferm vi da quella idea da producir electricitad cun vent per sia atgna interpresa.

Ina fatschada d'ina chasa cun cellas solaras
Legenda: Uschia producescha l'Arena Alva sia atgna energia solara, quai il bajetg nov sin l'alp Son Martin. RTR, L. Livers

Sche i dat ussa propi in parc da vent cun 6 rodas sco i era planisà ensemen cun l'ovra electrica da Berna è anc betg cler. Ma che Reto Gurtner e sia Arena Alva persequiteschan vinavant l'energia da vent è segir.

Era senza la BKW vesa Reto Gurtner la schanza da realisar il parc da vent. In impurtant partenari è la Flem Electric SA, che è anc adina da la partida.

Gia dapi 6 onns retira l'Arena Alva mo energia regenerabla per l'entira interpresa. Era gia dapi intgins onns producescha l'Arena Alva energia regenerabla en furma d'energia solara. Il davos exempel è la nova pendiculara gest inaugurada da Son Martin sin La Siala, là nua ch'i vegn bajegià nov, vegn era nizzegià il sulegl. Uschia pudess l’Arena Alva daventar forsa schizunt l’emprima interpresa da skis, che producescha sia atgna energia.

audio
BKW vul sa retrair dal parc da vent Vorab
ord RTR Audio dals 18.12.2015.
laschar ir. Durada: 2 minutas 49 Secundas.

Artitgels legids il pli savens