Siglir tar il cuntegn

Header

In plazzal
Legenda: Il plazzal sa chatta sur e sut la via a l'ur dal vitg da Flem en direcziun Laax. RTR, Carlo Albin
cuntegn

Surselva Flem: Halla da chavaltgar dal Waldhaus spazzada

A Flem svaneschan plirs anteriurs bajetgs dal hotel Waldhaus, quels vegnan spazzads e remplazzads cun chasas d’abitaziuns.

A l’entrada da Flem vegnind da Laax, circa sin l’autezza dal campadi, vegnan construidas actualmain trais novas chasas cun total 27 enfin 30 abitaziuns da 3,5 e 4,5 stanzas. L’entir project da l’interpresa Miraselva SA da Flem custa tranter 15 e 18 milliuns francs. Tenor plan duain las trais chasas esser prontas l’atun 2018.

Cumparegliaziun dals maletgs

Stuschar reglader a sanestraStuschar reglader a dretga
Legenda:Surbajegiada Miraselva a FlemGoogle Street View / RTR

Per construir questas chasas ha la Miraselva SA spazzà duas chasas che tutgavan al hotel Waldhaus: la chasa cun in parc da raiver sin sugas autas OTA (pli baud era quai la halla da chavaltgar dal hotel Waldhaus) e da l’autra vart da la via ina chasa dal persunal dal hotel.

audio
Bunura: Flem – tge capita cun ils bajetgs vendids dal Waldhaus?
ord Actualitad dals 09.12.2016.
laschar ir. Durada: 2 minutas 30 Secundas.

Futur dal Little China anc betg enconuschent

Ina terza chasa che la Miraselva SA ha cumprà dal Waldhaus è il bajetg dal restaurant chinais Little China e da la bar Bellavista. Tenor Sandro Hofmann dal cussegl d’administraziun da la Miraselva SA, n’existan anc nagins plans concrets per quai bajetg.

Il bajetg dal Little China / Bar Bellavista a Flem.
Legenda: Projects per il bajetg dal Little China / Bar Bellavista n'existan anc betg. RTR, Carlo Albin

Il bajetg haja ina architectura interessanta ed els studegian co nizzegiar il bajetg senza stuair spazzar el. Actualmain sajan las abitaziuns en quai bajetg dadas a fit a stagiunaris. Enfin la primavaira 2017 vul la Miraselva SA decider tge far cun quai bajetg.

RR actualitad 07:00

Artitgels legids il pli savens