Forum intercultural Mustér: Inscunter cun Ladins

Era quest onn vul il Forum cultural internaziunal Mustér (nov num: forum intercultural) organisar puspè inscunters cun persunas da l’exteriur. Ils 9 e 10 da settember datti in inscunter cun Ladins da St. Ulrich en las Dolomitas. Quai rapporta la ANR.

Il FIM organisescha adina puspè inscunters cun autras culturas. Sco il 2013/2014 cun Africans. Bild in Lightbox öffnen.

Legenda da maletgs: Il FIM organisescha adina puspè inscuners cun autras culturas. Sco il 2013/2014 cun Africans. mad

Novas suprastantas

A la radunanza generala da mesemna saira èn Madlen Deflorin, la cassiera Anna Maria Genelin e Gion Hosang sa retratgs da la suprastanza. Successura da Madlen è Jris Lombris (sco commembra da la suprastanza communala da Mustér). Nova en suprastanza è era Erna Bundi. Il post da cassier(a) n'è dentant betg anc occupà.

Gidar ad organisar concert da Camartin

Plinavant ha il forum decidì da sa gidar puspè per organisar il concert festiv dal dirigent Simon Camartin ils 28 da december 2017. El sa preschenta cun INSO Academic Youth Symphony Orchestra L’viv en sala Peter Kaiser da la claustra da Mustér.

Brat cultural

Il Forum intercultural Mustér è vegnì fundà 1999. El ha organisà fin uss tranter auter la Europeada 2008, in campiunadi europeic da ballape da las minoritas linguisticas; 2011 ina emna culturala cun Sorbs da la Germania, Gaelics da la Scozia e Fris dal nord; 2013 Pascas russas; 2013 e 2014 occurrenzas sur da la cultura africana e 2015 in inscunter tranter indigens e Portugais.