Siglir tar il cuntegn

Header

video
Nua van Vuorz ed Andiast?
Or da Actualitad dals 13.04.2016.
laschar ir. Durada: 3 minutas 24 Secundas.
cuntegn

Surselva Fusiun: Nua van Vuorz ed Andiast?

Vuorz ed Andiast planiseschan ina fusiun: u cun Breil u cun Glion. Uss è la populaziun vegnida infurmada, co quella decisiun duai vegnir prendida.

Il chantun beneventa ina fusiun da Vuorz ed Andiast cun Breil u Glion, preferiss dentant che omaduas vischnancas fusiunassan en la medem direcziun.

Ina fusiun da Vuorz en ina direcziun e d'Andiast en tschella direcziun na sustegness il chantun betg. Plinavant èn a Vuorz anc pendentas ina iniziativa che pretenda da sclerir ina fusiun cun Glion ed ina moziun che pretenda ina fusiun cun Breil. Ina situaziun cumplitgada.

Decisiun simultana

Omaduas vischnancas decidan ils 10 da zercladur 2016 dapersai, cun tgi ch'ellas vulan fusiunar. La vischnanca d'Andiast fa quai cun ina votaziun consultativa. La medema saira decida la vischnanca da Vuorz sur da l’iniziativa pro Glion e la moziun pro Breil.

Tenor Ursin Fetz, expert per fusiuns da vischnancas da la Scol'auta da tecnica ed economia (STE) a Cuira, tanschan las infurmaziuns avant maun sur da las consequenzas da quella fusiun per far las votaziuns. Propostas detagliadas da contracts da fusiun na duajan numnadamain betg vegnir elavuradas avant che las vischnancas han decidì cun tgi fusiunar.

Opiniuns divergentas

Cunquai che Vuorz ed Andiast vegnan a decider mintgin dapersai cun tgi ch'els vulan fusiunar, datti la pussaivladad ch'ils resultats da quellas votaziuns èn differents. Pia ch'ina vischnanca vul fusiunar cun Breil e l'autra cun Glion. En in tal cas vegniss il project da fusiun sistì.

Artitgels legids il pli savens