Siglir tar il cuntegn

Header

cuntegn

Surselva Ina tribuna per passa 1'000 persunas

Igl è in grond eveniment: il festival dal chor d’uffants e da giuvenils a Mustér (dals 14 – 17 da matg). 36 chors vegnan, respectiv passa 1'000 persunas s’inscuntran per quest eveniment cultural.

Lavurers da la protecziun civila Surselva en acziun.
Legenda: Lavurers da la protecziun civila Surselva en acziun. RTR, H. Giger

Ina lavur impurtanta è da montar ina tribuna en la sala dal center da sport e cultura a Mustér. Quella duai avair plaz per passa 1'000 persunas. La firma Nüssli dal chantun Turgovia ha mess a disposiziun il material da ca. 20 tonnas, sco il cumandant da la protecziun civila Surselva Hubert Capaul ha ditg al Radio Rumantsch. Ses 14 umens e lavurers da la firma Nüssli monteschan la tribuna. Impurtant è era la segirtad, vul dir ch’ils lavurers portian chapellinas e guants. La protecziun civila Surselva fetschia ina fin duas giadas l’onn da questas lavurs.

Artitgels legids il pli savens