Siglir tar il cuntegn

Header

cuntegn

Surselva Lumnezia vul reducir dumber da suprastantas e suprastants

Cun 671 gea (75.64%) encunter 198 na (22.32%) ha il suveran da la Lumnezia acceptà da reducir il dumber da persunas en la suprastanza communala da 9 sin 5.

Quella reducziun da la suprastanza pretenda ina midada da la constituziun da la vischnanca, ina midada che sto anc vegnir approvada dal chantun. La scheffa dal departament da finanzas e vischnancas Barbara Janom Steiner ha dentant gia affirmà avant la votaziun, ch’il chantun na vegni betg ad acceptar ina midada da la constituziun suenter mo 3 onns.

Plinavant han las votantas ed ils votants da la Lumnezia acceptà ina petiziun pertutgant il manaschi da scola a Vrin/Lumbrein cun 666 gea (80.53%) cunter 123 na.

Ina nova lescha da sepultura e santeri è vegnida acceptada cun in grond surpli da 770 gea (89.95%) cunter 59 na.

Era ina nova lescha d’ustaria è vegnida acceptada cler cun 710 gea (86,16%) cunter 81 na.

audio
Al president communal da Lumnezia plascha il gea dal suveran
ord Novitads dals 28.02.2016.
laschar ir. Durada: 2 minutas 47 Secundas.

Artitgels legids il pli savens