Siglir tar il cuntegn

Header

cuntegn

Surselva Mustér: Las emprimas reservaziuns per la residenza da seniors

L’emprima badigliada respectiv l’emprima betunada per la residenza da seniors è fatga. Sco act festiv è ina stgatla cun documents da construcziun ed autra rauba vegnida sutterrada.

audio
Bunura: Emprima betunada per la residenza da seniors a Mustér
ord Actualitad dals 14.10.2016.
laschar ir. Durada: 2 minutas 16 Secundas.

La residenza da seniors è finida pir la primavaira 2018. Ma ì dettia gia ils emprims interessents, ha ditg l’architect Aluis Huonder. Ina terza da las 22 abitaziuns è reservada (cun ina «decleraziun d’intenziun»).

Prevegnir a speculaziuns

Las abitaziuns na vegnan betg vendidas, sco il president da la Sut Gliendas SA Michèl Deflorin ha ditg ad RTR. Quai saja ina part dal contract cun la vischnanca da Mustér per ch’i na vegnia betg speculà cun quest object.

Seniors e famiglias

L'act festiv da la badigliada
Legenda: L'act festiv da la badigliada RTR, H. Giger

Persunas che han 50 onns ubain famiglias pon retrair ina abitaziun. L’idea saja ch’i dettia ina buna maschaida, di Michèl Deflorin.

Cussedentas e cussedents pon era retrair tscherts servetschs da la Spitex Cadi ubain dal Center da sanadad Puntreis (ch’è datiers da la residenza da seniors).

RR actualitad 07:00

Artitgels legids il pli savens