Siglir tar il cuntegn

Header

cuntegn

Surselva Mustér: Nov post da cussegliaziun tar la malsogna d’Alzheimer

Puntreis center da sanadad SA cumplettescha sia purschida cun in post da cussegliaziun tar la malsogna d’Alzheimer. Quel vegn avert uffizialmain venderdi, ils 16 da zercladur a las 19.30, cun in referat da dr. Raimund Klesse «Gut leben mit Demenz«.

Il post vegn manà da Nicole Candinas. Ella lavura tar il Center da sanadad, è tgirunza diplomada scola spezialisada superiura (SSS) e spezialista da gerontopsichiatria. Ella cusseglia surtut persunas che pateschan da demenza ed er ils confamigliars. Sche quai è giavischà va ella er a chasa tar ils pertutgads.

audio
Bunura: Puntreis – cussegliaziun tar demenza
ord Actualitad dals 16.06.2017.
laschar ir. Durada: 1 minuta 53 Secundas.

Center da cumpetenza per la vegliadetgna

Ina finamira da questa purschida saja, che persunas pertutgadas na stoppian ir fin a Glion per laschar sa cussegliar, ha ditg il manader dal center da sanadad Diego Deplazes a RTR.

In’autra finamira saja, chil center da sanadad Puntreis veglia sa profilar sco center da cumpetenza cun la tematica da la vegliadetgna, quai cun las purschidas da la Pro Senectute e da seniora-ca.

RR actualitad 06:10

Artitgels legids il pli savens