Siglir tar il cuntegn

Header

cuntegn

Surselva Pass per pass tar Olimpia 2026 – er Laax vul cun Sion

Suenter ch’il suveran grischun ha ditg cleramain «na» a gieus olimpics il 2026, vul Laax uss sa participar a la candidatura da Sion. Quai ha confermà il president da vischnanca Franz Gschwend envers la gasetta “Südostschweiz”.

Laax veglia far amogna als Romands da manar tras las concurrenzas da Freestyle tant da skis sco er da snowboard. Che la vischnanca vegnia activa uss saja er ina consequenza da las votaziuns, uschia Gschwend en la Südostschweiz: La populaziun da las trais vischnancas Laax, Flem e Falera haja ditg gea ad ina candidatura. En cas cuntrari fiss el stà pli temelitg cun sia dumonda a Sion.

Gia avant in pèr dis aveva Lai cun sia arena da biatlon annunzià da contactar ils responsabels dal Valais per sa participar sco lieu d’occurrenza. Il concept da «Sion 2026» prevesa gia che las concurrenzas da bob e da skeleton èn a San Murezzan.

RR novitads 06:00

Artitgels legids il pli savens