La via chantunala tranter Sevgein e Riein è stada serrada passa duas emnas pervi d'ina bova ch'è vegnida a val. L'Uffizi da construcziun bassa ha rumì il perimeter, tge che munta: 5 guids da muntogna han stuì schubregiar il grip ed il material schluccà per segirar las lavurs ch'èn suandads giu en via.
La sfida per las lavurs è stada la segirtad, ha ditg Eugen Duff, manader da l'Uffizi da construcziun bassa, district 6.
Las raits da protecziun èn davent, uschia che la segirtad n'è betg pli dada. La gronda sfida èsi da segirar la via provisoricamain enfin che novas raits èn montadas.
Tut tenor sto l'uffizi vegnir cun in chavaterra movibel per schubregiar la costa dal material. Questa lavur cuzzass enfin l'emna proxima, ma bler dependia era da l'aura, uschia Geni Duff. Quest venderdi infurmescha l'Uffizi da construcziun bassa vinavant davart il svilup da las lavurs e cura el quinta pudair avrir la via.
Enfin lura è il vitg da Riein cuntanschibel via ils sviament Valendau-Dutga.
Or da l'archiv:
L'onn 2015 è la via stada serrada dal matg fin il settember pervi d'ina bova.