Siglir tar il cuntegn

Header

cuntegn

Surselva Peschs ston ora dal lai da Zervreila

En il lai da fermada da Zervreila sto l'effectiv da peschs vegnir reducì pervi da la sanaziun da l'implant da fermada.

Quest e l'auter onn èn previsas lavurs da sanaziun vid l'implant da fermada da Zervreila. Quatras sto il lai vegnir svidà.

L'uffizi da chatscha e pestga haja analisà la situaziun. Sco quai che las ovras electricas Zervreila SA communitgeschan, saja quai indispensabel da reducir il dumber da peschs. Quai dovria ina pestga da rait e quai gia ussa. Parallel cun reducir l'effectiv da peschs vegnia quai a dar inspecziuns sut l'aua vid l'implant.

Uschespert ch'il glatsch saja svanì dal lai, cumenzia l'acziun da pestgar cun raits. Las ovras electricas Zervreila quintan che quai saja la fin d'avrigl.

RR novitads 09:00

Artitgels legids il pli savens