Siglir tar il cuntegn

Header

video
Il success da l'Uniun sportiva Schluein Glion - il recept
Or da Telesguard dals 09.10.2015.
laschar ir. Durada: 2 minutas 55 Secundas.
cuntegn

Surselva Pre-premiera dal film „Il Club“ a Glion

L'Uniun Sportiva Schluein Glion è il pli grond club da ballapei da la Surselva. Dapi ch'in per giuvens da Schluein han fundà l'uniun l’onn 1942, ha ella fatg in grond svilup.

L'uniun sportiva Schluein Glion ha actualmain 431 commembras e commembers ed è uschia il pli grond club da ballape da la Surselva. Sper l'equipa da secunda liga dattan anc 12 equipas da juniors, da dunnas e d'umens en differents campiunadis. Il film “Il Club” è in purtret da l’uniun e da las commembras e commembers actuals.

audio
Prepremiera dal film "Il Club"
ord RTR Audio dals 09.10.2015.
laschar ir. Durada: 3 minutas 12 Secundas.

Plaz da balla, tribunas e gasettas

Il film mussa differentas episodas da la istorgia da l'uniun. Fotografias da l’emprim plaz da ballape 1942, da la construcziun da l'emprima chasa da club igl onn 1984 e scenas actualas da gieus e trenaments. El mussa dentant era co la gasetta dal club cun il num “90 minutas” vegn producida. Gronda paisa dat il film a dus eveniments: Per ina a la construcziun da la nova chasa dal club cun tribuna, ustaria e gardarobas, ch'ils commembers han bajegià per gronda part sez. Per l'autra al camp da trenament dal HSV la stad vargada. Dus puncts culminants en la istorgia da l'uniun sportiva Schluein Glion.

Tuttas las differentas equipas da l'Uniun Sportiva Schluein Glion ensemen cun ils trenaders e gidonters.
Legenda: Tuttas las differentas equipas da l'Uniun Sportiva Schluein Glion ensemen cun ils trenaders e gidonters. © Foto-Surselva, D. Thuli

Engaschi e juniors

Il film tschenta la dumonda, daco che quella uniun haja ton success. Per ils aspectaturs è quai cler: spiert da cuminanza, engaschi persunal e la lavur cun ils juniors. La passiun da las commembras e dals commembers per l'uniun e per il ballape saja il pli impurtant. E quella passiun vegnia documentada fitg bain en il film.

Artitgels legids il pli savens