Siglir tar il cuntegn

Header

video
Orchideas a Sagogn
Or da Actualitad dals 08.06.2016.
laschar ir. Durada: 1 minuta 48 Secundas.
cuntegn

Surselva Sagogn è in eldorado per orchideas

Mintg'onn organisescha la Pro Sagogn pliras turas d'orchideas. En l'entira Svizra datti 75 sorts orchideas, 25 d'ellas creschan a Sagogn.

Sin quels viadis el conturn da Sagogn pon osps ed indigens emprender d'enconuscher la gronda varietad d'orchideas ch'i dat en la regiun da Sagogn.

Ver 40 persunas sin la tura d'orchideas a Sagogn.
Legenda: Ver 40 persunas sin la tura d'orchideas a Sagogn. RTR, L. Livers

Sco quai che Luis Poltera, il president da la Pro Sagogn e manader da la tura d’orchideas di, hajan els intervegnì casualmain entras in referent che i dettia tantas sorts a Sagogn. Dapi quai di saja cler che quai potenzial possian ins nizzegiar turisticamain. Dapi lura organisescha la Pro Sagogn da quellas turas.

La finamira da Luis Poltera è da sensibilisar osps ed indigens per la natira ed en spezial per las orchideas. La Pro Sagogn tschenta mintga onn tablas là nua che las orchideas creschan. Senza quellas tablas che fan attents sin las orchideas, vesessan ils blers gnanc ellas. Ina da quellas 25 sorts che vegn avant a Sagogn è la Pantofla da Nossadunna. Quella orchidea vala sco la regina da las orchideas selvadias.

audio
Orchideas a Sagogn
ord RTR Audio dals 08.06.2016.
laschar ir. Durada: 2 minutas 43 Secundas.

Sin la tura han ils passa 40 osps savì emprender d'enconuscher ver 15 da las 25 sorts ch’i dat a Sagogn. Quai è uschia perquai che las orchideas na creschan betg tuttas il medem mument. Il meglier temp è dentant fin matg entschatta zercladur. Lura flureschan las Pantoflas da Nossadunna, la staila da las orchideas selvadias.

Artitgels legids il pli savens