Sumvitg – Rabius: ina nova senda da viandar

La punt nova tranter Sumvitg e Rabius, la punt sur la Val Mulinaun, vegn averta ils 9 da zercladur, quai dentant mo sin in vial. E cura che la punt è finida, na va il traffic betg pli tras la Val Mulinaun.

La via actuala tras la Val Mulinaun Bild in Lightbox öffnen.

Legenda da maletgs: La via actuala tras la Val Mulinaun RTR, H. Giger

Sco il president da vischnanca da Sumvitg Armin Candinas ha detg ad RTR, hajan vischins exprimì il giavisch da far ina senda da viandar sin il trassé da la via chantunala tras la Val Mulinaun. A partir da Sumvitg fin Sontget vegn construì ina via da megliuraziun. La chasa en la Val Mulinaun vegn colliada davent da la via chantunala cun ina via nova.

105'000 francs

La senda da viandar tras la Val Mulinaun è 265 meters lunga e ca. dus meters lada, uschè ch’ils lavurers da la vischnanca pon rumir l’enviern la naiv. Ella custa 105’000 francs e vegn finanziada cun agid da la Donaziun Greina, da Sumvitg turissem e dal servetsch per il traffic betg motorisà.

RR actualitad 17:00