Surselva Turissem vul vegnir pli datiers al giast da vacanzas. Perquai è vegnida lantschada ina acziun da reclama a Turitg. Da la partida èn 100 ospitants da la Surselva.
Mezdi: Surselva Turissem - carmalar ils Turitgais en Surselva
03:41 min, ord Actualitad dals 29.06.2016.
laschar ir. Durada: 3 minutas 41 Secundas.
audio
Bunura: Surselva Turissem lantscha acziun da surpresa a Turitg
02:16 min, ord Actualitad dals 29.06.2016.
laschar ir. Durada: 2 minutas 16 Secundas.
Ils ospitants sin lur viadi da la Surselva a Turitg
Il directur da Surselva Turissem, Roland Huber, na vul betg laschar il giat ord dal satg. Gnanc ils ospitants ch’el prenda cun el a Turitg sappian tge che duai capitar là. Mo tant i saja ina occurrenza pli gronda ed i giaja per far pli patgific e prender peda. Turitg saja il pli impurtant martgà per Surselva Turissem e perquai vegni l’occurrenza fatga a Turitg.
Ozendi saja la glieud prest mo pli cun il chau en ils telefonins e na fetschia prest betg stim ina da l’autra. Perquai sajan lieus nua ch’ins haja anc temp tschertgads. La Surselva haja tals lieus e quai valia da proclamar meglier. L’idea sco tala da l’acziun che vegn lantschada è da prender temp per il giast e raquintar istorgias da la regiun. Tenor Roland Huber è quai insatge che mo las persunas indigenas san far e che na funcziunia betg via la rait. Uschia ina acziun portia dapli che gronds inserats en las gasettas, ha ditg il directur da Surselva Turissem.