Swiss Photo Award per Jaromir Kreiliger

Il fotograf oriund da Castrisch, Jaromir Kreiliger ha retschavì l’emna passada il Swiss Foto Award. Cun ses project «Amicezia» ha el gudagnà en la categoria «Free».

Ins vesa bleras persunas a la exposiziun da Fotografias dal premi Swiss Foto Award en la Photobastei a Turich.. Bild in Lightbox öffnen.

Legenda da maletgs: Swiss Foto Award per Jaromir Kreiliger. Swiss Foto Award

Il fotograf Jaromir Kreiliger tematisescha en sia lavur «Amicecia» sia patria geografica ed artistica. Ses purtrets mussan la cuntrada muntagnarda dal Grischun ed era sia vita interna persunala. La lavur dal fotograf ha persvas la giuria pervia da sia intimitad, avertadad ed atmosfera.

Il mument studegia Kreiliger fotografia a l’universitad da Vienna. Il premi che vegn surdà dapi l’onn 1998 en set categorias da fotografia è dotà cun 5000 francs.

Las fotografias da tut ils victurs d'in Swiss Foto Award da quist onn sun exponidas enfin ils 2 d’avril en la Photobastei a Turitg.

RR novitads 09:00