La «Fundaziun Nossa Punt» surpiglia la punt dal chantun. La vischnanca da Breil saja pronta da mantegnair ella, vul dir schubergiar e dismetter la naiv, scriva l’Agentura da Novitads Rumantscha.
Ils custs per sanar la punt èn calculads a 909‘000 francs. La finanziaziun da la sanaziun duai succeder cun la contribuziun da l’Uffizi da construcziun bassa dal chantun sco er cun daners da la Tgira da monuments dal Grischun e da la Protecziun da la natira e da la patria svizra.
Suenter la construcziun da la punt nova vuleva il chantun spazzar la punt veglia. Encunter questa intenziun è dentant sa furmada opposiziun.
RR novitads 18:00