Siglir tar il cuntegn

Header

cuntegn

Surselva Tavanasa: Ina fundaziun duai salvar la punt da Versell

L’Uniun per salvar la punt da Versell a Tavanasa ha fundà ina fundaziun che duai surpigliar e salvar la punt la veglia. President da questa fundaziun è l’anteriur cusseglier naziunal Sep Cathomas. En l’avegnir duai la punt servir sulettamain per il traffic plaun.

La «Fundaziun Nossa Punt» surpiglia la punt dal chantun. La vischnanca da Breil saja pronta da mantegnair ella, vul dir schubergiar e dismetter la naiv, scriva l’Agentura da Novitads Rumantscha.

La presidenta da l‘Uniun per salvar la punt da Versell a Tavanasa Rita Cathomas-Bearth ed il president da la «Fundaziun Nossa Punt» Sep Cathomas.
Legenda: La presidenta da l‘Uniun per salvar la punt Rita Cathomas-Bearth ed il president da la fundaziun Sep Cathomas. ANR, H. Huonder

Ils custs per sanar la punt èn calculads a 909‘000 francs. La finanziaziun da la sanaziun duai succeder cun la contribuziun da l’Uffizi da construcziun bassa dal chantun sco er cun daners da la Tgira da monuments dal Grischun e da la Protecziun da la natira e da la patria svizra.

Suenter la construcziun da la punt nova vuleva il chantun spazzar la punt veglia. Encunter questa intenziun è dentant sa furmada opposiziun.

RR novitads 18:00

Artitgels legids il pli savens