Siglir tar il cuntegn

Header

cuntegn

Surselva Trais scolars da la China al gimnasi da Mustér

L’onn da scola 2015/16 han la giuvna Anxiu ed ils dus giuvens Shichao e Xingyu cumenzà il gimnasi da Mustér.

Uss fineschan els la 3. classa ed els dian ch’i giajan gugent a scola qua. Il cumenzament na saja però betg stà simpel perquai ch’els na chapevian betg tudestg. Entant giaja quai dentant meglier ed els hajan chattà blers amis.

Els giaudian la bella natira en Surselva. En lur citad na dettia quai betg tant guaud, vatgas ubain aua schubra e frestga.

audio
Mezdi: Gimnasi Mustér – bilantscha suenter 1 onn scolars chinais
ord Actualitad dals 04.07.2016.
laschar ir. Durada: 3 minutas 13 Secundas.

Anxiu lascha encrescher

Entant ch’ils dus giuvens dian ch’els na laschian betg encrescher savens, conceda Anxiu che sia famiglia e ses giat manchian ad ella.

Ils trais scolars da la China èn creschids si en grondas citads: Anxiu e Xingju (15 onns) a Nanjing che ha da quai da 5,4 milliuns abitants e Shichao (16 onns) en la chapitala Bejing cun passa 21,5 milliuns abitants.

La finamira dal gimnasi da la claustra da Mustér è da daventar pli internaziunal e perquai vegn era empruvà da far vegnir scolars dad auters pajais.

RR actualitad mezdi 11:00

Artitgels legids il pli savens