Siglir tar il cuntegn

Header

cuntegn

Surselva Trais vischnancas - in avegnir

La fusiun è fatga: Ussa po la pasch turnar a Vuorz.

La fusiun da Breil, Vuorz ed Andiast è fatga – il resultat è cler. Gea, perfin il resultat a Vuorz è cler cun 133 gea e 97 na. Anc curt avant las votaziuns avess nagin ristgà da metter patg sin in tal resultat a Vuorz.

La fusiun a Vuorz saja sco da «trair ils quadrels» hai gì num. Tut tenor il motto «u che ni che». Quai n’è uss betg stà il cas. Il resultat da tuttas trais vischnancas sa lascha explitgar.

Andiast/Breil

Andiast di gea cun be 10 cuntervuschs, quai è da contribuir a la preschientscha da la giuventetgna. Breil cun 20% da las vuschs che dian na - era quai in resultat meglier che spetgà per la fusiun. Qua vuless jau menziunar che Breil sa bain avunda tge ch'els han cun las duas vischnancas Andiast e Vuorz. Breil segirescha uschia a lunga vista la scola ed obtegn in pe pli ferm en il turissem.

Vuorz

Era a Vuorz fa la giuventetgna la differenza per Breil. Qua forsa in curt schabetg: Ina pitschna gruppa da giuvnas a Vuorz suenter la votaziun. Ellas sa discurran e rian. Per mai è cler, quellas han votà per Breil, aber oha. Ina d'ellas conceda d'esser stada encunter la fusiun. Be quai haja nagut da far cun esser ensemen cun sias collegas ch'eran per la fusiun. Per mai il pli bel maletg da la saira. La giuvna ch’era encunter la fusiun manegia, tge fortuna ch’il resultat saja fitg cler e betg be piz a cup. La decisiun democratica cun in resultat cler fa pli simpel d'acceptar.

audio
Commentari da Linus Livers
ord Actualitad dals 25.06.2017.
laschar ir. Durada: 2 minutas 14 Secundas.

La fusiun è fatga, la via dispitaivla vegn, ed ils victurs èn bain cussegliads da dar fadia ed avair quità da quels che han uss pers. E quai cun mussar cun il det sin il contract da fusiun e guardar che quel vegn ademplì. Il traffic tras Vuorz è era cun la fusiun in tema, in tema che fa starment e che sa lascha mesirar.

RR novitads 17:00

Artitgels legids il pli savens