A Mustér cuzza il tschaiver trais dis. L'entschatta dat la «Dertgira Nauscha» mintgamai il venderdi avant la mesemna da la tschendra. La sonda ha lura il til da tschaiver lieu ed il glindesdi tschaiver suonda il tschaiver per ils uffants.
Dapi 35 onns preschenta la «Dertgira Nauscha» sias sentenzias davant in grond public sin la plazza da scola a Mustér. Ils dus derschaders prelegian ils fatgs locals e regiunals ch'èn degns da vegnir menziunads. Quai cun ina buna presa umor e magari cun ina piztgada. Il punct culminant da la saira è cura ch'ils derschaders annunzian tgi che vegn pendì vi da la furtga.
Era quest onn ha ina gronda fulla da glieud tadlà tge ch'ils dus derschaders han gì da raquintar. Embellì la saira han alura las duas musicas da tschaiver: las Fifferlottas e las Bagordas.
Or da l'archiv
Ina da las emprimas ediziuns da la «Dertgira Nauscha».
