Siglir tar il cuntegn

Header

cuntegn

Surselva Uniun da tschaiver Mustér è periclitada

Dapi onns organiseschan las medemas commembras ed ils medems commembers activs il tschaiver a Mustér. Per reparter la lavur sin pliras spatlas tschertga l’uniun da tschaiver urgentamain novs commembers.

Il tschaiver a Mustér, quai è sper il til e la saira da divertiment anc la dretgira nauscha e la gasetta da tschaiver “la sibla”. Per cuntanscher uschè bleras persunas sco pussaivel, tschertga l’uniun novas commembras e novs commembers cun in inserat en differentas gasettas. Ina buna idea, pertge che la populaziun da Mustér ha vis igl inserat ed è al current dals problems da l’uniun.

La dretgira nauscha e la sibla messas en dumonda

Sch'i na gartegiass betg a l’uniun da chattar novs commembers, pudess ella en il mender cas schizunt sa schliar. Quai na muntass forsa betg gist la fin per il til da tschaiver e la saira da divertiment, dentant fitg probabel per la dretgira nauscha e la sibla. Per blers abitants da Mustér fiss quai ina gronda sperdita ed i restass ina gronda rusna en il chalender d’occurrenzas da Mustér.

Pauc resun

Ils problems da l’uniun èn pia enconuschents ed i vegn discutà. L'nteress da sa gidar e daventar commember activ da l’uniun da tschaiver è dentant pitschens. Suenter 5 dis ha il president da l’uniun mo pudì nudar ils nums da 2 interessents.

A la radunanza generala fin matg vul l’uniun decider co vinavant. Sch'i na dat betg dapli interessents, vegn la suprastanza a proponer la schliaziun da l’uniun.

Artitgels legids il pli savens